ការងារផ្នែកលក់ (Sales) គឺជាផ្នែកមួយដែលសំខាន់ណាស់សម្រាប់ការរីកចម្រើនអាជីវកម្ម។ អ្នកលក់គឺជាសារព័ត៌មានផ្ទាល់របស់ផលិតផល ឬសេវាកម្មដែលព្យាយាមនាំអតិថិជនឲ្យទុកចិត្ត និងធ្វើការទិញ។ ប៉ុន្តែសម្រាប់អ្នកដែលទើបចាប់ផ្តើមដំណើរនេះ តើអ្វីខ្លះដែលត្រូវត្រៀមខ្លួន? ខាងក្រោមនេះជា ៥ ចំណុចសំខាន់ ដែលអ្នកត្រូវមានដើម្បីឈានទៅរកភាពជោគជ័យក្នុងផ្នែកលក់៖
យល់ដឹងពីផលិតផល ឬសេវាកម្ម
មិនអាចលក់អ្វីដែលខ្លួនមិនយល់បានទេ។ អ្នកលក់ត្រូវចេះបង្ហាញអំពីអត្ថប្រយោជន៍ និងការផ្លាស់ប្តូរដែលផលិតផលនោះអាចផ្តល់ឲ្យអតិថិជនបាន។
សួរខ្លួនឯង៖ តើផលិតផលនេះដោះស្រាយបញ្ហាអ្វី? តើវមានអ្វីល្អជាងគេ?
ស្តាប់យល់អតិថិជន
ការលក់ល្អមិនមែននិយាយច្រើន ប៉ុន្តែស្តាប់ច្រើន។
ការស្តាប់សកម្ម ជួយឲ្យយល់អំពីបញ្ហា និងតម្រូវការជាក់លាក់របស់អតិថិជន។
គន្លឹះ៖ សួរបំណួរដែលមានន័យ ហើយឆ្លើយតបតាមចិត្តអតិថិជន។
ទំនាក់ទំនងល្អ និងភាពជឿជាក់
អ្នកលក់ល្អគឺជាអ្នកចេះនិយាយ មានភាពទាក់ទាញ និងគួរឱ្យទុកចិត្ត។
គន្លឹះ៖ ប្រើភាសាដែលអតិថិជនយល់, បង្ហាញអារម្មណ៍ចង់ជួយ ជំនួសការលក់ផ្ទាល់។
កសាងទំនាក់ទំនងរយៈពេលវែង
ការលក់មិនត្រឹមតែជាព្រឹត្តិការណ៍មួយពេលទេ ប៉ុន្តែជាគ្រប់ដំណើរ។
- ជួបអតិថិជនម្ដង → ធ្វើឲ្យពួកគេត្រលប់មកវិញ
- បង្កើនកំរិតទំនុកចិត្តរបស់អតិថិជន
- បង្កើតភាពជាប់ទាក់ទង (relationship) មុននឹងរំពឹងទទួលការទិញ
មានគោលដៅ និងភាពអត់ធ្មត់
ផ្នែកលក់ពោរពេញទៅដោយការបដិសេធ។ អ្នកត្រូវតែចេះទទួលយក និងបន្តទៅមុខ។
- កំណត់គោលដៅប្រចាំថ្ងៃ/សប្ដាហ៍
- រៀនពីបញ្ហា និងធ្វើការកែតម្រូវ
- ចេះថែទាំចិត្តខ្លួនឯង ដើម្បីរក្សាថាមពលវិជ្ជមាន
ចុងក្រោយ៖
ការចាប់ផ្តើមជាអ្នកលក់អាចជាការប្រឈមបើអ្នកមិនមានគន្លឹះត្រឹមត្រូវ។ ប៉ុន្តែបើអ្នកយកចិត្តទុកដាក់លើចំណុចទាំង៥នេះ អ្នកនឹងអភិវឌ្ឍខ្លួនឯងបានយ៉ាងលឿន និងក្លាយជាអ្នកលក់ឯកទេសដែលអាជីវកម្មណាក៏ចង់បាន។
