នៅក្នុងពិភពទីផ្សារដែលកំពុងផ្លាស់ប្តូរយ៉ាងលឿន អ្នកជំនាញទីផ្សារដែលមានបទពិសោធន៍ច្រើនឆ្នាំក៏អាចជួបបញ្ហា ប្រសិនបើពួកគេចាត់ទុកបទពិសោធន៍ដូចជាច្បាប់ដ៏ខ្ជាប់ខ្ជួន។ តែការជោគជ័យក្នុងទីផ្សារសព្វថ្ងៃមិនអាចអាស្រ័យលើអ្វីដែលធ្លាប់ Work មុនទេ តែត្រូវស្វែងយល់ពីអ្វីកំពុងធ្វើឲ្យ Work ឥឡូវនេះ។ ខាងក្រោមនេះជាកំហុស ៥ ប្រភេទ ដែលសូម្បីតែអ្នកជំនាញមួយចំនួនក៏អាចមិនយល់ឬមើលរំលងបាន។
១. មិនធ្វើការសិក្សាទីផ្សារជាបន្តបន្ទាប់
ការជឿលើបទពិសោធន៍អាចនាំឲ្យអ្នកធ្វើយុទ្ធសាស្ត្រតែដោយគំរូចាស់ៗ។ ប៉ុន្តែទឹកដីទីផ្សារផ្លាស់ប្តូរបន្តបន្ទាប់។ ប្រសិនបើអ្នកមិនសិក្សាអំពីអតិថិជនឬរបៀបប្រតិបត្តិរបស់គូប្រកួតនាពេលបច្ចុប្បន្ន នោះយុទ្ធសាស្ត្ររបស់អ្នកអាចឈានទៅរកការបរាជ័យ។
២. ផ្ដោតលើផលិតផលជាងអតិថិជន
សភាពទីផ្សារបច្ចុប្បន្នមិនបានអនុញ្ញាតឲ្យយើងតម្រូវអតិថិជនឲ្យស្រឡាញ់ផលិតផលទេ។ ត្រូវផ្ដោតលើអ្វីដែលអតិថិជនត្រូវការ ហើយធ្វើអោយផលិតផលឆ្លើយតបនឹងចំណង់ចំណូលចិត្តរបស់ពួកគេ។
៣. មិនប្រើបច្ចេកវិទ្យាថ្មីៗ
គន្លងផ្សព្វផ្សាយបច្ចុប្បន្នដូចជា TikTok, AI, Chatbots, និង Automation Tools កំពុងផ្លាស់ប្តូរឧស្សាហកម្ម។ អ្នកជំនាញណាដែលមិនបន្តរៀននឹងងាយខកខានឱកាសដ៏អស្ចារ្យក្នុងការទាក់ទាញអតិថិជនថ្មីៗ។
៤. ទុកចិត្តលើជំនឿផ្ទាល់ខ្លួន ជាងទិន្នន័យ
“ខ្ញុំគិតថាអតិថិជនគួរតែចូលចិត្តរូបភាពនេះ!” — ជាសម្រង់និយាយជាញឹកញាប់។ តែសព្វថ្ងៃ ការសម្រេចចិត្តគួរត្រូវផ្អែកលើ data, A/B testing, និង performance metrics ដើម្បីធានាប្រសិទ្ធភាពនៃការផ្សព្វផ្សាយ។
៥. មិនធ្វើការសាកល្បង ឬកែសម្រួលយុទ្ធសាស្ត្រ
ស្ទើរតែគ្មានយុទ្ធសាស្ត្រណាដែលល្អបំផុតជានិច្ចទេ។ ការសាកល្បង (Testing) ជាប្រភពនៃការពង្រឹង។ បើមិនសាកល្បងទេ អ្នកនឹងមិនដឹងថាអ្វីធ្វើឲ្យលទ្ធផលល្អ និងអ្វីដែលត្រូវកែប្រែ។
អ្នកជំនាញម្នាក់មិនត្រូវគ្រាន់តែមានបទពិសោធន៍ទេ តែត្រូវមានភាពបើកចិត្តរៀនបន្ថែម។ ជំនាញ + ការបន្តអភិវឌ្ឍខ្លួន + ការស្ដាប់ទីផ្សារ = ជោគជ័យនិរន្តរ៍ក្នុងអាជីវកម្ម។
